1אַ מיזמור פֿון דאַנקגעבונג.
1 שאַלט צו ה׳, די גאַנצע ערד.
2דינט ה׳ מיט שׂימחה,
קומט פֿאַר אים מיט געזאַנג.
3װײסט אַז ה׳, ער איז אלֹקים;
ער האָט אונדז באַשאַפֿן, און זײַנע זײַנען מיר,
זײַן פֿאָלק, און די שאָף פֿון זײַן פֿיטערונג.
4קומט אין זײַנע טױערן מיט דאַנק,
אין זײַנע הױפֿן מיט לױב;
גיט אַ דאַנק צו אים, בענטשט זײַן נאָמען.
5װאָרעם ה׳ איז גוט,
אױף אײביק איז זײַן חֶסֶד,
און ביז דור-דורות זײַן טרײַשאַפֿט.
[1]