1און די קינדער פֿון יִשׂרָאֵל לױט זײער צאָל, די הױפּטן פֿון די פֿאָטערהײַזער און די הױפּטלײַט פֿון די טױזנטן און הונדערטן, און זײערע אױפֿזעער, װאָס האָבן באַדינט דעם מלך אין אַלע זאַכן פֿון די אָפּטײלונגען װאָס זײַנען אַרײַנגעקומען און אַרױסגעגאַנגען חודש פֿאַר חודש דורך אַלע חדשים פֿון יאָר, זײַנען געװען צו פֿיר און צװאַנציק טױזנט אין איטלעכער אָפּטײלונג.
2איבער דער ערשטער אָפּטײלונג פֿאַרן ערשטן חודש איז געװען יָשָבֿעָם דער זון פֿון זַבֿדיאֵלן; און אין זײַן אָפּטײלונג זײַנען געװען פֿיר און צװאַנציק טױזנט. 3פֿון די קינדער פֿון פֶּרֶץ איז ער געװען; דער הױפּט פֿון אַלע חיל-לידער פֿאַרן ערשטן חודש.
4און איבער דער אָפּטײלונג פֿון צװײטן חודש איז געװען דוֹדַי דער אַחוֹחי, און מיט זײַן אָפּטײלונג איז געװען מִקלוֹת דער פֿירשט; און אין זײַן אָפּטײלונג זײַנען געװען פֿיר און צװאַנציק טױזנט.
5דער דריטער חיל-לידער פֿאַרן דריטן חודש איז געװען בנָיָהוּ דער זון פֿון דעם כּהן יהוֹיָדָע, דער הױפּט; 6און אין זײַן אָפּטײלונג זײַנען געװען פֿיר און צװאַנציק טױזנט. דאָס איז בנָיָהוּ דער גיבור פֿון די דרײַסיק און איבער די דרײַסיק; מיט זײַן אָפּטײלונג איז געװען זײַן זון עַמיזָבֿד.
7דער פֿירטער פֿאַרן פֿירטן חודש איז געװען עַשָׂהאֵל, דער ברודער פֿון יוֹאָבֿן, און זבֿדיָה זײַן זון נאָך אים; און אין זײַן אָפּטײלונג זײַנען געװען פֿיר און צװאַנציק טױזנט.
8דער פֿינפֿטער פֿאַרן פֿינפֿטן חודש איז געװען דער הױפּטמאַן שַמהות דער יִזרָכי; און אין זײַן אָפּטײלונג זײַנען געװען פֿיר און צװאַנציק טױזנט.
9דער זעקסטער פֿאַרן זעקסטן חודש איז געװען עִיראָ דער זון פֿון עִקֵשן פֿון תּקוֹעַ; און אין זײַן אָפּטײלונג זײַנען געװען פֿיר און צװאַנציק טױזנט.
10דער זיבעטער פֿאַרן זיבעטן חודש איז געװען חֶלֶץ פֿון פּלוֹן, פֿון די קינדער פֿון אפֿרים; און אין זײַן אָפּטײלונג זײַנען געװען פֿיר און צװאַנציק טױזנט.
11דער אַכטער פֿאַרן אַכטן חודש איז געװען סִבכַי פֿון חוּשָה, פֿון די זַרחים; און אין זײַן אָפּטײלונג זײַנען געװען פֿיר און צװאַנציק טױזנט.
12דער נײַנטער פֿאַרן נײַנטן חודש איז געװען אַבֿיעֶזֶר פֿון עַנָתוֹת, פֿון די בנימינער; און אין זײַן אָפּטײלונג זײַנען געװען פֿיר און צװאַנציק טױזנט.
13דער צענטנער פֿאַרן צענטן חודש איז געװען מַהרַי פֿון נטוֹפֿה, פֿון די זַרחים; און אין זײַן אָפּטײלונג זײַנען געװען פֿיר און צװאַנציק טױזנט.
14דער עלפֿטער פֿאַרן עלפֿטן חודש איז געװען בנָיָה פֿון פּרעָתוֹן, פֿון די קינדער פֿון אפֿרים; און אין זײַן אָפּטײלונג זײַנען געװען פֿיר און צװאַנציק טױזנט.
15דער צװעלפֿטער פֿאַרן צװעלפֿטן חודש איז געװען חלדַי פֿון נטוֹפֿה, פֿון עָתניאֵל; און אין זײַן אָפּטײלונג זײַנען געװען פֿיר און צװאַנציק טױזנט.
16און איבער די שבֿטים פֿון יִשׂרָאֵל; פֿון די ראובֿנים איז געװען דער פֿירשט, אֶליעֶזֶר דער זון פֿון זִכרין; פֿון די שמעוֹנים, שפֿטיָהו דער זון פֿון מַעֲכָהן; 17פֿון לֵוִי, חַשַבֿיָה דער זון פֿון קמואֵלן; פֿון אַהרֹן צָדוֹק;
18פֿון יהוּדה, אֶליהו פֿון דָוִדס ברידער; פֿון יִשׂשָׂכָר, עָמרי דער זון פֿון מיכָאֵלן; 19פֿון זבֿולון, יִשמַעיָהו דער זון פֿון עוֹבַֿדיָהון; פֿון נַפֿתָּלי, ירימוֹת דער זון פֿון עַזריאֵלן; 20פֿון די קינדער פֿון אפֿרים, הוֹשֵעַ דער זון פֿון עַזַזיָהון; פֿון דעם האַלבן שבֿט מנַשֶה, יוֹאֵל דער זון פֿון פּדָיָהון; 21פֿון דעם האַלבן שבֿט מנַשֶה אין גִלעָד, יִדוֹ דער זון פֿון זכַריָהון; פֿון בנימין, יַעֲשׂיאֵל דער זון פֿון אַבֿנֵרן; 22פֿון דָן, עַזַראֵל דער זון פֿון ירוֹחָמען. דאָס זײַנען געװען די האַרן פֿון די שבֿטים פֿון יִשׂרָאֵל. 23און דָוִד האָט נישט אױפֿגענומען זײער צאָל פֿון צװאַנציק יאָר אַלט און אַרונטער; װאָרעם ה׳ האָט צוגעזאָגט צו מערן יִשׂרָאֵל אַזױ װי די שטערן פֿון הימל. 24יוֹאָבֿ דער זון פֿון צרוּיָהן האָט אָנגעהױבן צײלן און צו מאָל נישט געענדיקט, פֿון דעסט װעגן איז געװען איבער דעם אַ צאָרן {קֶצֶף}[1] אױף יִשׂרָאֵל; און די צאָל איז נישט אַרײַן אין דער דערצײלונג פֿון די צײַטגעשעענישן פֿון מלך דָוִד.
25און איבער די שאַצן פֿון דעם מלך איז געװען עַזמָוֶת דער זון פֿון עַדיאֵלן, און איבער די שפּײַכלערס אין די פֿעלדער, אין די שטעט, און אין די דערפֿער, און אין די טורעמס, יהוֹנָתָן דער זון פֿון עוּזִיָהון.
26און איבער די װאָס טוען פֿעלדאַרבעט בײַ דער באַאַרבעטונג פֿון דער ערד, עֶזרי דער זון פֿון כלובֿן. 27און איבער די װײַנגערטנער, שִמְעִי פֿון רָמָה; און איבער װאָס אין די װײַנגערטנער פֿאַר די װײַנקעלערס, זַבֿדי פֿון שפֿם. 28און איבער די אײלבערטבײמער און די װילדע פֿײַגנבײמער װאָס אין דער נידערונג, בַעַל-חָנָן פֿון גֶדֶר; און איבער די אײלקעלערס, יוֹעָש. 29און איבער די רינדער װאָס האָבן זיך געפֿיטערט אין שָרוֹן, שִׁרְטַי {שִׁטְרַי} פֿון שָרוֹן; און איבער די רינדער אין די טאָלן, שָפֿט דער זון פֿון עַדלָין. 30און איבער די קעמלען, אוֹבֿיל דער יִשמָעֵאלי; און איבער די אײזעלינס, יֶחדְיָהו פֿון מֵרוֹנוֹת. 31און איבער די שאָף, יָזיז דער הַגרי. די אַלע זײַנען געװען די אױפֿזעערס איבער דעם פֿאַרמעג װאָס דער מלך דָוִד האָט געהאַט.
32און יהוֹנָתָן, דָוִדס פֿעטער איז געװען אַ בַעַל-יוֹעץ, אַ פֿאַרשטאַנדיקער מאַן און אַ שרײַבער. און יחיאֵל דער זון פֿון חכמוֹנין איז געװען מיט דעם מלכס זין. 33און אַחיתּוֹפֿל איז געװען דעם מלכס בַעַל-יוֹעץ, און חוּשַי דער אַרכּי איז געװען דעם מלכס גוטער פֿרײַנט. 34און נאָך אַחיתּוֹפֿלן איז געװען יהוֹיָדָע דער זון פֿון בנָיָהוּן, און אֶבֿיָתָר; און דער חיל-לידער פֿון דעם מלך איז געװען יוֹאָבֿ.