¹און דאָס זײַנען די זין פֿון דָוִדן װאָס זײַנען אים געבאָרן געװאָרן אין חֶבֿרוֹן: דער בכוֹר, אַמנוֹן, פֿון אַחינוֹעַמען פֿון יִזרְעֶאל; דער צװײטער, דָניאֵל, פֿון אַבֿיגַיִלן, פֿון כַּרמֶל; ²דער דריטער, אַבֿשָלום דער זון פֿון מַעֲכָה דער טאָכטער פֿון תַּלמַי דעם מלך פֿון גשור; דער פֿירטער, אַדוֹנִיָה דער זון פֿון חַגיתן; ³דער פֿינפֿטער, שפֿטיָה, פֿון אַבֿיטַלן; דער זעקסטער, יִתרְעָם, פֿון זײַן װײַב עֶגלָהן. ⁴די זעקס זײַנען אים געבאָרן געװאָרן אין חֶבֿרוֹן; און ער האָט דאָרטן געקיניגט זיבן יאָר און זעקס חדשים; און דרײַ און דרײַסיק יאָר האָט ער געקיניגט אין ירושָלַיִם.

⁵און די דאָזיקע זײַנען אים געבאָרן געװאָרן אין ירושָלַיִם: שִמעָא, און שוֹבֿבֿ, און נָתָן, און שלמה – פֿיר, פֿון בת-שועַ דער טאָכטער פֿון עַמיאֵלן; ⁶און יִבֿחָר, און אֶלישָמָע, און אֶליפֶֿלֶט; ⁷און נוֹגַה, און נֶפֶֿג, און יָפֿיעַ; ⁸און אֶלישָמָע, און אֶליָדָע, און אֶליפֶֿלֶט – נײַן. ⁹דאָס זײַנען אַלע זין פֿון דָוִדן, אַחוץ די זין פֿון די קעפּסװײַבער, און זײער שװעסטער תָּמָר.

¹⁰און דער זון פֿון שלמהן איז געװען רחַבֿעָם. זײַן זון איז געװען אַבֿיָה, זײַן זון אָסאָ, זײַן זון יהוֹשָפֿט; ¹¹זײַן זון יוֹרָם, זײַן זון אַחַזיָהו, זײַן זון יוֹאָש; ¹²זײַן זון אַמַציָהו, זײַן זון עַזַריָה, זײַן זון יוֹתָם; ¹³זײַן זון אָחָז, זײַן זון חִזקִיָהו, זײַן זון מנַשֶה; ¹⁴זײַן זון אָמוֹן, זײַן זון יֹאשִיָהו. ¹⁵און די זין פֿון יֹאשִיָהון זײַנען געװען: דער בכוֹר יוֹחָנָן, דער צװײטער יהוֹיָקים דער דריטער צִדקִיָהו, דער פֿירטער, שַלום. ¹⁶און די זין פֿון יהוֹיָקימען זײַנען געװען: זײַן זון יכָניָה, זײַן זון צִדקִיָה.

¹⁷און די זין פֿון יכָניָה דעם געפֿאַנגענעם: זײַן זון שְאַלתּיאֵל, ¹⁸און מַלכּירָם, און פּדָיָה, און שֶנאַצַר, יקַמיָה, הוֹשָמָע, און נדַבֿיָה. ¹⁹און די זין פֿון פּדָיָהן: זרובבֿל, און שִמְעִי. און די קינדער פֿון זרובבֿלן: משולָם, און חַנַניָה, און זײער שװעסטער שלוֹמית; ²⁰און חשובֿה, און אוֹהֶל, און ברֶכיָה, און חסַדיָה, יוּשַׁב-חֶסֶד – פֿינף. ²¹און די זין פֿון חַנַניָהן: פּלַטיָה און יְשַעְיָה. די זין פֿון ישַעיָהן: רפֿיָה. די זין פֿון רפֿיָהן: אָרנָן. די זין פֿון אַרנָנען: עוֹבַֿדיָה. די זין פֿון עוֹבַֿדיָהן: שכַניָה. ²²און די זין פֿון שכַניָהן: שמַעיָה. און די זין פֿון שמַעיָהן: חַטוש, און יִגאָל, און בריח, און נעַריָה, און שָפֿט – זעקס. ²³און די זין פֿון נעַריָהן: אֶליוֹעֵינַי, און חִזקִיָה, און עַזריקָם – דרײַ. ²⁴און די זין פֿון אֶליוֹעֵינַין: הוֹדַוְיָהו און אֶליָשיבֿ, און פּלָיָה, און עַקובֿ, און יוֹחָנָן, און דלָיָה, און עַנָני – זיבן.